مامۆستایەک ماڵەکەی دەکاتە قوتابخانە بۆ قوتابیانی ھەژار و کەمدەرامەت

  • : 2019/مارس/3 شه‌م‌
  • : 248 جار خوێنراوه‌ته‌وه‌
  • : 3 مانگ پێش ئیستا
مامۆستایەکی خۆبەخش لە شاری کەرکووک ماڵەکەی خۆی بۆ قوتابییانی هەژار و کەمدەرامەت کردووەتە قوتابخانە و دەڵێ “منداڵەکان هەژارن و توانای گرتنی مامۆستای تایبەتیان نییە”. 
سامان کاکەیی مامۆستایەکی خۆبەخشە، ماڵی لەگەڕەکێکی هەژارنشینی شاری کەرکووکە، رۆژانە لەگەڵ سێ مامۆستای هاوڕێی بێبەرامبەر وانە بە 60 قوتابی دەڵێنەوە، قوتابییەکانیش لە پۆلی نۆی بنەڕەتی و 12ـی ئامادەیین.
سامان کاکەیی خاوەنی پڕۆژەکە بە تۆڕی میدیایی رووداوی گوت “قوتابخانەی حکومی پۆلێکی چوار بە پێنج نزیکەی 45 بۆ 50 قوتابی تێدایە، زۆر زەحمەتە قوتابییان فێرببن و تێبگەن. ئەم مناڵانەش دایک و باوکیان نەخوێندەوارن، توانای ئەوەیان نییە بیان نێرن بۆ وانەی تایبەت و قوتابخانەی ئەهلی”.
محەممەد عەلی، مامۆستای خۆبەخش و هاوڕێی سامان کاکەییە دەڵێ “ئێمە چوار مامۆستاین و خەڵکی کەرکووکین کاک سامان پڕۆژەیەکی بۆ باسکردین کە قوتابخانەیەک بکەینەوە و وانە بەو منداڵە هەژارانە بڵێینەوە، حەزمان کرد خزمەتێ بەمنداڵی خۆمان بگەیەنین، نەخوێندەواری و نەزانین نەهێڵین، چونکە سەرەتای هەموو کێشەیەک نەزانینە”.
60 قوتابی دابەش بوونەتە سەر سێ پۆلی ماڵەکەدا و لەهەر وانەیەک خراپبن بایەخی زیاتر بەو وانەیە دەدەن.
قوتابییەکی بەشدار لە قوتابخانەکەی مامۆستا سامان باس لەوە دەکات “ئاوارەی بێجیم هاتووم بۆ ئەم خولە، زۆر باشە سوپاسیان دەکەم کە هاوکارمانن، وانەی بیرکاری زۆرە، بەئاسانی تێناگەیشتم ئێستا باشتر دەزانم لەرابردوو”.

خاوەنی ئەو پڕۆژەیە چاوەڕوانی پاداشت لەحکومەت ناکات تەنیا چاوی لەوەیە هاوکاری بکرێ لەفراوانکردنی شوێنەکەی و  لەپشووی هاوینیش بەنیازە خولی تایبەت و بێبەرامبەر بۆ فێرکردنی ئەو کەسانە بکاتەوە کە لەخوێندن دابڕاون.

بریارێک لە وەزارەتی ناوخۆوە ھەر پۆلیس وکارمەندیکی ئاسایش بروانامەی بەکالۆریۆسی ھەبێت دەبێتە ملازم بەڵام دەبێت خولی پێگەیاندنی ئەفسەر ببینێت .

بریارێک لە وەزارەتی ناوخۆوە ھەر پۆلیس وکارمەندیکی ئاسایش بروانامەی بەکالۆریۆسی ھەبێت دەبێتە ملازم بەڵام دەبێت خولی پێگەیاندنی ئەفسەر ببینێت

مژدەیەکی خۆش لە مامۆستا کەیفی عزیز بۆ سەرجەم ئەم قوتابیانەی وانەی ئینگلیزیان بۆ خولی دووەم ماوە

مژدەیەکی خۆش لە مامۆستا کەیفی عزیز بۆ سەرجەم ئەم قوتابیانەی وانەی ئینگلیزیان بۆ خولی دووەم ماوە ھاوشێوەی خولی یەکەم سەدان قوتابیمان دەرچوواند-دووبارە تاقیکردنەوەیەکی تر دەکەین-تایبەت بۆ خولی دووەم سەرجەم قوتابیانی کوردستان ئاگادار دەکەینەوە بەھۆی ئەوەی زۆرترین قوتابی لە وانەی ئینگلیزی کەوتوون مامۆستا کەیفی عزیز  گەورە مامۆستای ئینگلیزی و گینگسی ئینگلیزی ڕۆژی شەممە تاقیکردنەوەیەکی سەرتاسەری دەکات لەسەر شێوازی وزاری بێ بەرامبەر بەسەرجەم قوتابیان دەکات کاتی تاقیکردنەوە/11:00 ی سەرلەبەیانی شوێن/سەنتەری پۆلی12 ناونیشان/ھەولێر شەقامی 40 مەتری ناوەڕاستی ترافیک لایتی باداوا نزیک لەنگە

مەرجەكانی كۆلێژی پۆلیس ڕاگەێندرا

كۆلێژی پۆلیسی عیراق دامەزراندن بۆ دەرچوانی ئامادەیی رادەگەیەنێت، SNNیش مەرجەكانی دامەزراندن لەو كۆلێژە ئاشكرادەكات و پەرلەمانتارێكی كوردیش لەئەنجومەنی نوێنەرانی عیراق رایدەگەیەنێت”دامەزراندنەكە كوردیش دەگرێتەوە”. ناسر یونس پەرلەمانتاری پارتی لەئەنجومەنی نوێنەرانی عیراق بەSNNی راگەیاند،كۆلێژی پۆلیسی عیراق دامەزراندنی بۆ دەرچوانی ئامادەیی بەشێوەی گرێبەست راگەیاندوە و كوردیش دەگرێتەوە، دەتوانن لەو كۆلێژە فۆڕم وەربگرن، بەگویًَرەی ئەو مەرجانەی راگەیەنراوە. بەگوێرەی زانیارییەكان، لەمەرجەكانی ئەو كۆلێژەدا هاتووە، دەبێت خەڵكی عیراق بێت و رەگەزنامەی عیراقی هەبێت، هەروەها دەبێت خاوەنی بڕوانامەی ئامادەیی لەیەكێك لەم بەشانە(زانستی، وێژەیی ، بازرگانی و پیشەسازی) بێت. لەمەرجەكاندا هاتووە، دامەزراندنەكە هەردو رەگەزی نێر و مێ دەگرێتەوە، بەومەرجەی  تەمەنی لە17 ساڵ كەمتر و لە22 ساڵ زیاتر نەبێت،  باڵایی لە 168سانتیمەتر كەمتر نەبێت، لەلیژنەی پزیشكی و توانایی جەستەیی دەرچێت، كۆ نمرەی وەرگیرانی بۆ زانستی و وێژەیی و پیشەیی و بازرگانی لە 75 كەمتر نەبێت. لەزانیاریەكاندا ئەوەشخراوەتەڕوو، خوازیاران بۆ پڕكردنەوەی فۆڕم و زانیاری زیاتر دەتوانن تا 27ی ئەم مانگە فۆڕمەكە لە سایتی فەرمی وەزارەتی ناوخۆی عیراق وەربگرن و لەوێوە پڕی بكەنەوە.