ڕوونکردنەوەیەک لە وەزارەتی پەروەردە

  • : 2019/Jun/Wed‌
  • : 22870 جار خوێنراوه‌ته‌وه‌
  • : 12 months پێش ئیستا

ڕوونکردنەوەیێک لە بەڕێوەبەرایەتیی ڕاگەیاندن بۆ سەرجەم ڕاگەیاندنە بەڕێزەکان
.
لە ماوەى ڕابردوو و لەکاتى ئەزموونە گشتییەکانى خوێندنى ساڵى (٢٠١٨ ـ ٢٠١٩)، میدیا و دەزگاکانى ڕاگەیاندن هاوکارێکى سەرەکى کەرتى پەروەردە بوون و ئەم هەستکردن بە پرسیاریەتیەیان جێگاى ڕێزە، بەڵام بە داخەوە جارجارە هەندێک کەناڵ و پەیامنێرى تەلەڤزیۆنى بێ هەستکردن بە بەرپرسیاریەتى کۆمەڵایەتى و لە ئەنجامى نەخویندەوارى و کەمى ئاستى هۆشیارییان ڕاپۆرت بڵاو دەکەنەوە کە بە هەموو شێوەیەک دوورە لە ڕاستییەوە و تەنها بۆ شیواندنى دەروونى قوتابیان و پڕۆسە سەرکەوتووەکەى ئەزموونەکانە.
لە کەناڵى ئاسمانى (کوردستان ٢٤) ڕاپۆرتێک لەسەر ئەزموونەکان بڵاوکرایەوە کە وەک وەزارەتى پەروەردە سەر لەبەرى ڕەت دەکەینەوە، چونکە ناپڕۆفیشناڵى ڕیپۆرتەرەکە لەوەدایە قسەى مامۆستایەکى قوناغى بنەڕەتى نەوەک ئامادەیى وەرگرتووە کە هیچ پەیوەندییەکى بە ئەزموونەکانى پۆلى دوانزەى ئامادەییەوە نییە و تواناى زانستى ئەو هیندە نییە کە قسە لەسەر دروستى و نادروستى ئەزموونەکان بدات.
وەزارەتى پەروەردە هەمیشە دەرگاى بە ڕووى میدیاییەکاندا واڵا بووە و تاکە وەزارەتی کابینەى هەشتەمى حکومەتى هەرێمە کە زۆرترین هاوکاریی میدیاکانى کردووە، بۆیە پێویست ناکات هەنگاوێکى نا دروستانەى وەک ڕیپۆرتەرەکەى ئەم تەلەڤزیۆنە بەرێزە بگیردرێتەبەر و دەنگى بەرێوەبەرى ڕاگەیاندن لەسەر هێڵى تەلەفۆن و بە بێ ڕەزامەندى تۆمار و بڵاو بکرێتەوە.
ئەزموونە گشتییەکان و دۆزینەوە و چارەسەرى کەموکۆرییەکان تەنیا پەیوەندى بە لیژنەى باڵا لە بەڕێوەبەرایەتیی گشتیی ئەزموونەکانەوە هەیە و ئەو لیژنە باڵایە کە پسپۆڕانى هەموو پارێزگاکانى لەخۆ گرتووە، دەتوانن ڕەخنە و گلەیى و گازندەکان شیکار و لە کۆتایی پرۆسەکە وەڵام دەدەنەوە و لە چوارچێوەى ڕێنماییەکان و بە ڕەچاوکردنى ئاستى زانستى وانەکان، زۆترین هاوکاریى قوتابى و خوێندکاران دەکریت، بۆیە وەرگرتنى قسەى چەند قوتابییەک لە نزیکەى ٢٣٥ هەزار قوتابى کە لە ئەزموونەکەیاندا باش نەبوونە، بە هەند وەرناگیردرێت، لە کاتێکدا ئێمە ئامادەییى هەموو هاوکارییەکمان نیشان دابوو تا لە کۆتایى تاقیکردنەوەکان و بە داتا و زانیاریی وردەوە لە خزمەت کەناڵی کوردستان ۲٤ و هەموو ڕأگەیاندنەکاندا بین.
.
.
بەڕێوەبەرایەتیی ڕاگەیاندنی وەزارەتی پەروەردە

باندێک فێربووینە بە فیس بووکی فەیک و تەزویر تۆمەت و قسەی ھەڵبەستراو بۆ پەیجی پۆلی12 دروست دەکەن

باندێک فێربووینە بە فیس بووکی فەیک و تەزویر تۆمەت و قسەی ھەڵبەستراو بۆ پەیجی پۆلی12 دروست دەکەن ھەر شتێک بەڵگەی لەگەڵ نەبوو ئێمە وەڵامی نادەینەوە ڕوون کردنەوەیەک بۆ تەواوی قوتابیان و ھاوڕێیانی پەیجی پۆلی12 خۆتان دەزانن یەکەم و پێشەنگی کوردستانین ئیدی کاتێک یەکێک کە دەیەوێت ئەم پێشەنگیەت لێ وەربگرێتەوە ناچارە تاوانبارت بکات و پێ بخاتە سەر پێت و خۆی بەرز بکاتەوە و ئێمە نزم بکاتەوە نامەوێ زۆر لەسەر ئەم باسە بڕۆم چونکە لەوەتەی بە بیرمان دێت لەسەر قوتابیانی پۆلی12 جارو بار جوێنمان بۆ دێت بە ھەموو جۆرەکانیەوە کاتێک یەکێک دەیەوێت خۆی گەورە بکات دێ بە ئێمە دەڕشێتەوە بە تۆمەت و جوێن و سوکایەتی بە ئەدمینەکانمان ئێمە لێ ڕاھاتووین چونکە یەکەم جار نیە ھھھھھھھھھھ بەخوا ساڵانە چەندین جار لە پەیجی فەیک و گروپی تەزویر یەکێک ھەڵدەستێت ھەرچی لەناو دڵیەتی بە ئێمەی دەڕێژێت و کاتی خۆی بە ئێمە دەکوژێت داماوە لە بری ئەوەی کات بە شتێکی بە سوود سەرف بکات دێ بە ئێمەی سەرف دەکات چەند ڕۆژێکە لە پەیجێکی فەیک جوێنمان بۆ دێت زۆر ئاساییە بەخوا سوێند بەخوا بیریشی لێ ناکەینەوە چونکە ئەوەی ئێمە لە نزیکەوە بناسێت دەزانێت چۆنین بەھەرحاڵ بێ ...

وەزارەتی پەروەردەی عێراق بڕیاری دا سەرجەم قوتابیانی پۆلی 3ی ناوەندی و 6 ی ئامادەیی راستەوخۆ بەشداری تاقیکردنەوەی ئەم ساڵ بکەن

    وەزارەتی پەروەردەی عێراق بڕیاری دا سەرجەم قوتابیانی پۆلەکانی 3ی ناوەندی و شەشی ئامادەیی راستەوخۆ بەشداری تاقیکردنەوەکانی کۆتایی ئەمساڵ بکەن. ئەمڕۆ دووشەممە 30-3-2020 د.سوها خەلیل عەلی بەگ، وەزیری پەروەردەی عێراق نووسراوی فەرمی بۆ بەڕێوەبەرایەتی گشتی پەروەردە کردووە و تێیدا رایگەیاندووە "قوتابیانی پۆلە کۆتاییەکان (سێی ناوەندی و شەشی ئامادەیی) بە سەرجەم لقەکانیانەوە بەشداریان تاقیکردنەوەکان بکەن لە ساڵی خوێندنی (2019-2020) ئەمەش دوای وەرگرتنی رەزامەندی ئەنجوومەىی وەزیران".

دكتۆر ئاراس برادۆستی داوا دەكات ئێستا پێشمەرگە بەناو كۆڵانەكان جوڵە بكەن كەس نەتوانێت بەم شەوە بچێتە دەرەوە بۆ سەفرە و گەشت

پێشمەرگە داببەزێننە نێو کۆڵانەکان بۆ جێبەجێکردنی راستەقینەی قەدەخەی هاتووچۆ و رێکارەکانی دیکەی تایبەت بە کۆرۆنا، پێویستە هێز بەکاربهێندرێت، ئەو جرت و فرتەی ئێستا هەیە رێگری لە بڵاوبوونەوەی کۆرۆنا ناکات، هەندێک خەڵک بە بەرپرس و نابەرپرسەوە خەریکن یاری بە ئاگر دەکەن و نازانن خۆیان و ئەزیزانیان و وڵاتیش دەسوتێنن، بەهێز رێگری بکەن لە خۆسووتاندنیان.. تکایە هێزەکانی پێشمەرگە دابەزێننە نێو کۆڵانەکان و رێگری لە کۆبوونەوە و دەرچوونی خەڵک بکەن، ئیدی کاتی ئەوەیە حکومەت ئەمە بکات نەک رێنمایی نەرمونیان، رێنمایی بۆ ئەو کەسانەیە کە هۆشیارن و لە پیتێکیش تێدەگەن، ئەمە بۆ ئێمە بەجێبهێڵن تکایە.. ئەزموونی چین فێریکردین کە هێز رۆڵێکی گەورەی لە کۆنترۆڵکردنی دۆخەکە هەیە، ڤایرۆسی کۆرۆنا کۆنترۆڵ ناکرێت بۆیە دەبێت مرۆڤەکان کۆنترۆڵکەین تا نەمرن.. پەیامەکە روونە؟