دکتۆر بەرھەم صالح ئەمڕۆ قوتابیە یەکەمەکانی سلێمانی خەڵات کرد بەڵام قوتابیانی ھەولێر و دھۆکی لە بیرکرد

  • : 2019/ئاب/شه‌م‌
  • : 539 جار خوێنراوه‌ته‌وه‌
  • : 3 مانگ پێش ئیستا

تکایە بڵاوی بکەنەوە-با ھەمووان ببینن

دکتۆر بەرھەم صالح ئەمڕۆ قوتابیە یەکەمەکانی سلێمانی و گەرمیان و ھەڵەبجەی خەڵات کرد بەڵام قوتابیانی ھەولێر و دھۆکی لە بیرکرد

بەداخەوە بۆ سەرۆک کۆمارێک نەتوانێت بە یەکسانی سەیری یەکەمەکان بکات

چی تێدابوو ئەگەر تەلەفۆنێکیان بۆ قوتابیە یەکەمەکانی ھەولێر و دھۆک یش کردبایە خەڵات کرابوونایە خۆ ئەم پارەیەی کاک دکتۆر وەک خەڵات داویەتی بە قوتابیەکان کاسبی نەکردووە کرێکاری نەکردووە پارەی دەوڵەت بووە بەداخەوە کاک دکتۆر ئێمە دژی ئەم خەڵات کردنەین شـــــــارچێتی لای سەرۆک کۆمار تازە نوێ بۆتەوە لای ئێمە ھەموو یەکەمەکان یەکسانن بۆ دەبێ لای تۆ جیاواز بێت ھەولێر و سلێمانی و دھۆک و گەرمیان و ھەڵەبجە ھەمووی کوردستانە-ئێوەی ھاوڵاتی لە خۆتان بپرسن ئایا ئەم خەڵات کردنە شارچێتی پێوە دیارە یان نا-حەق نەبوو بەڵام ڕۆی بەھیوام کاک دکتۆر سەردانێکی ھەولێریش بکات قوتابیانی ھەولێر و دھۆک خەڵات بکات کاک دکتۆر 2 جــــــــــار بیر بکەرەوە ئەمانە قوتابین نەک سیاسی.

.

 

حکومەتی هەرێمی کوردستان سەرجەم رۆژەکانی پشووی خوێندنی ئەمساڵی بڵاوکردەوە

حکومەتی هەرێمی کوردستان لە راگەیەنراوێکدا سەرجەم رۆژە پشوەکانی بۆ ئەمساڵی خوێندن بڵاوکردەوە کە سەرجەمیان 26 رۆژە. لە راگەیەنراوەکەی حکومەتی هەرێم رۆژانی پشو بەم شێوە دیاریکراوە: -رۆژی یەکشەمە 10/11/2019 پشووی لە دایکبونی پێغەمبەری ئیسلام. -رۆژی چوارشەمە 25/12/2019 پشووی لە دایکبونی پێغەمبەر عیسا. -رۆژی چوارشەمە 1/1/2020 پشووی سەری ساڵی زاینی. -پشووی نیوەی ساڵ لە 18 تا 23/1/2020. -رۆژی پێنجشەمە 5/3/2020 پشووی یادی ڕاپەڕین - پشووی بەهارە لە 11 تا 23/3/2020 - رۆژی پێنجشەمە 9/4/2020 پشووی ڕوخانی رژێمی بەعس -رۆژی چوارشەمە 15/4/2020 پشووی جەژنی ئێزدی - جەژنی کرێکاران 1/5/2020

بەیانی کاتی مامەڵەکردنی بۆ تاقیکردنەوەی تحسین معدل و دەرەکی و یەک بابەتی و دووبابەتی بۆ پۆلی12 لەسەرجەم پەروەردەکان دەست پێدەکات

بەیانی کاتی مامەڵەکردنی بۆ تاقیکردنەوەی تحسین معدل و دەرەکی و یەک بابەتی و دووبابەتی بۆ پۆلی12 لەسەرجەم پەروەردەکان دەست پێدەکات سەرجەم قوتابیانی خوازیاری *چاککردنی تێکڕا(تحسین معدل) *دەرەکی(خاریجی) *یەک بابەتی *دووبابەتی *دەرەکی ڕاستەوخۆ ئاگادار دەکەینەوە لە بەیانی بەرواری 3/11/2019 تاوەکو 30/11/2019 دەتوانن مامەڵەکانتان ڕایی بکەن-سەردانی پەروەردەی شارەکانتان بکەن لە دوای ئەم بەروارە ھیچ مامەڵەیەک وەرناگیرێت- بەھیوای سەرکەوتن

ئەنجامی سکاڵای دەرچووانی پۆلی12 ڕاگەێندرا

لەمیانى گفتوگۆیەکدا لەگەڵ خوێندکارانى زانکۆى گەرمیان، وەزیرى خوێندنى باڵا و توێژینەوەى زانستى ڕایگەیاند: لە ئەنجامى پێداچوونەوە بە سکاڵاى خوێندکاران (١٥٧٩) خوێندکارى دیکە لە زانکۆ و پەیمانگەکان وەرگیران بەمەش ڕێژەى وەرگرتنى خوێندنى بەخۆڕایى زیادیکرد. ئەو ڕاگەیاندنەى د.ئارام محەمەد قادر وەزیرى خوێندنى باڵا و توێژینەوەى زانستى لەمیانى بەسەرکردنەوەى زانکۆى گەرمیان هات، کە ئەمڕۆ یەکشەممە ڕێکەوتى (٢١/١٠/٢٠١٩) بەیاوەرى ڕاوێژکار و بەڕێوەبەرانى گشتى وەزارەت، سەردانى زانکۆى گەرمیانى کرد و، لەلایەن د. سیروان حەسەن سەرۆکى زانکۆ و  یاریدەدەران و مامۆستایان و فەرمانبەرانى زانکۆ و خوێندکاران پێشوازى لێکرا. لەمیانەى لە نزیکەوە بەسەرکردنەوەى تۆمارى گشتى زانکۆ د.ئارام محەمەد قادر لە شێواز و چۆنیەتى بەرێوەچوونى ڕاییکردنى مامەڵەى وەرگرتنى خوێندکارانى پرسى و ڕاستەوخۆ لەگەڵ خوێندکاران گفتوگۆى کردو گوێى لەسەرنج و پێشنیازەکان لەبارەى وەرگرتنیان لەزانکۆو پەیمانگەکان گرت، لەو چوارچێوەیەشدا وەزیرى خوێندنى باڵا لەپاڵ ڕێنماییکردنى خوێندکاران و هاندانیان بۆ خوێندن، تەواوى پاڵپشتى و پشتویانى وەزارەتى بۆ دووپاتکردنەوە. لەبەشێکى دیکەى سه‌ردانه‌ مەیدانیەکەیدا، د.ئارام محەمەد قادر له‌ زانکۆى گەرمیان هەریەک لە کۆلێژ و کتێبخانە و چەند تاقیگەیەکى بەسەرکردەوە، هه‌روه‌ك لە کافتریاى زانکۆش لەگەڵ خوێندکاران لەکەشێکى خوێندکارانى خوێندندا گفتوگۆیه‌كی زانستى له‌باره‌ی پڕۆگرامەکانى خوێندن و ئاستى زانستى زانکۆ و بەشەکانیان و کەموکوڕییەکان كرد، ...