هەفتەى داهاتو بڕیار له‌باره‌ی شێواز و پلانى وەرگرتنى خوێندکاران بۆ ساڵى نوێى خوێندن دەدرێت

هەفتەى داهاتو بڕیار له‌باره‌ی شێواز و پلانى وەرگرتنى خوێندکاران بۆ ساڵى نوێى خوێندن دەدرێت ئەمڕۆ سێشەممە ڕێكه‌وتی (٥/٢/٢٠١٩)بەسەرپەرشتى د. یوسف گۆران وەزیرى خوێندنى باڵا  و توێژینەوەى زانستى و ئامادەبونى ڕاوێژکار و بەرێوەبەرانى گشتى وەزارەت، لە کۆبونەوەیەکدا پلان و بەرنامەکانى وەزارەت تایبەت بەوەرگرتنى خوێندکاران و قوتابیان بۆ ساڵى خوێندنى (٢٠١٨-٢٠١٩) گفتوگۆى لەبارەوە کرا، هەروەک چەند بابەتێکى گرنگ و پەیوەست بە شێوازى وەرگرتن لە زانکۆ و پەیمانگەکان خرایەڕو و بەرنامەى پێویستیان لەبارەوە بۆ دانرا. لە سەرەتاى کۆبونەوەکەدا وەزیرى خوێندنى باڵا و توێژینەوەى زانستى باسێکى لەبارەى سیاسەت و بەرنامەى وەزارەت و دامه‌زراوه‌كانی خوێندنى باڵا لە هەرێمى کوردستان بەشێوەیەکى گشتى پێشکەش کردو، دوپاتیکردەوە ئامانج لەم کۆبونەوەیە دانانى میکانیزم و پلانى وەرگرتنە بۆ ساڵى نوێى خوێندن، بە شێوەیەک پلانەکان هاوتەریب بێت بۆ سودى دەرچوان و پێداویستى زانکۆ و پەیمانگەکان و پێداویستیەکانى بازاڕى کارى کوردستان. لەبەشێکى دیکەى کۆبونەوەکەدا بڕیاردرا هەفتەى داهاتو لە کۆبونەوەیەکى لێژنەى باڵاى وەرگرتن شێواز و بابەتەکانى تایبەت بە پلانى وەرگرتن بۆ ساڵى نوێى خوێندنى (٢٠١٨-٢٠١٩) گفتوگۆى لەبارەوە بکرێت و بڕیارى پێویستیان لەبارەوە بدرێت.  

وەزارەتی پەروەردە/گۆڕانكاری لە شێوازی پرسیاری وزاری دەكات.كلیك بكە زیاتر بزانە

وەزارەتی پەروەردەی حكومەتی هەرێم، چەند گۆڕانكارییەك لەمیكانیزمی تاقیكردنەوەی پۆلەكانی (9 و 12) دەكات، بەرپرسانی وەزارەتەكەش رایدەگەیەنن: گۆڕانكارییەكان لەبەرژەوەندی خوێندكاراندایەو یەكێك لەگۆڕانكارییەكانیش ئەوەیە كە گروپی تاقیكردنەوەكان لەچوار گروپەوە بۆ 26 گروپ زیادكراوە. سامان سیوەیلی، وتەبێژی وەزارەتی پەروەردەی هەرێم بەSNNی راگەیاند: بڕیاری ئەمساڵی وەزارەتی پەروەردە بۆ بەشداریكردنی خوێندكارانی پۆلەكانی ( 9 و 12) لەتاقیكردنەوەكان ئەوەیە كە خوێندكاران دەتوانن بەسێ وانەی كەوتووەوە بەشداری تاقیكردنەوەكان بكەن، بەڵام ئەگەر بوو بە چوار وانە، ناتوانن بەشداری بكەن. لەلایەن خۆشییەوە، كەریف لەتیف بەڕێوبەری گشتی ئەزموونەكان لەوەزارەتی پەروەردە، بە SNNی راگەیاند: ئەمساڵ هیچ گۆڕانكارییەك لەڕێنماییەكاندا نەكراوە، بەڵام هەندێك رێنمایی تایبەت بەفۆرمی سۆماو بەكارهێنانی دەركراوەو دیزاینەكەی گۆڕدراوە، ئەو گۆڕانكارییانەش لەبەرژەوەندی خوێندكاراندایە. وتیشی: "هەمان بڕیاری ساڵی رابردوو بۆ ئەو خوێندكارانەی قۆپی دەكەن دەركراوەتەوە، بەجۆرێك هەر خوێندكارێك ئەمساڵ قۆپی بكات، لەساڵی داهاتوو مافی دەوامكردنی نامێنێت". ئاشكراشیكرد، گۆڕانكاری لەگروپی تاقیكردنەوەكان كراوەو ساڵی رابردوو چوار گروپ بووە (A,B,C,D)، بەڵام ئەمساڵ كراوە بە (26) گروپ، كە لەگروپی (A)ەوە دەستپێدەكات بۆ گروپی (Z)، پرسیاری گروپەكانیش لەیەكتر ناچێت.

ئامادەیی ڕۆزاك و ئامادەیی هەولێری سیستەمی ئینگلیزی بە توندی وەڵام ڕۆژنامەی ڕووداو دەدەنەوە

ئامادەیی ڕۆزاك و ئامادەیی هەولێری سیستەمی ئینگلیزی بە توندی وەڵام ڕۆژنامەی ڕووداو دەدەنەوە ڕوونکردنەوەیەک لە قوتابخانەى ڕۆزاک و هەولێرى سیستەمى ئینگلیزى . لە لاپەڕى دووى ژمارە (٥٣٩)ى ڕۆژنامەى ڕووداو، ڕاپۆرتێک بە مانشێتى "دوو قوتابخانە ساڵانە ٥٠٠ ملیۆن دینار لە قوتابیان وەردەگرن" بڵاو کراوەتەوە، بۆیە وەک هەردوو بەڕێوەبەرى قوتابخانەى "ڕۆزاک و هەولێر"ى سیستەمى ئینگلیزى بە پێویستى دەزانین لەم بارەوە ڕوونکردنەوەیەک بدەین، چونکە پرسەکە پەیوەندیدارە بە ئێمە و قوتابخانەکانمان: . یەکەم: بە هۆى داواکارییەکى زۆرى قوتابیان بۆ خوێندن بە زمانى ئینگلیزى و کەمى قوتابخانەى هاوشێوەى ئەم سیستەمە، دایک و باوکان لە ڕێگەى خۆیانەوە داوایان لە وەزارەتى پەروەردە کرد بۆ ئەوەى دەوامى دووەم لە قوتابخانەکانمان بکرێتەوە بە هەمان ستافى مامۆستایان، تەنانەت زۆرێک لە دایک و باوکى قوتابخانە ناحکومییەکانیش پاڵەپەستۆیان خستە سەر وەزارەتى پەروەردە تا لە ڕێگەى خوێندنى پارالێلى حکومییەوە ئەو قوتابیانە وەربگیردرێن کە خۆیان ناونووس کردبوو و بێبەش نەبن لە خوێندن، هەر ئەمە بوو کە وەزارەت بە وەرگرتنى سەرجەم سەرنج و تێبینى و پێشنیارەکان و سەرنجى کەسانى پەروەردەیی، بە نیوەى تێچووى خوێندنى قوتابخانە ناحکومییەکان، دەوامى پارالێلى ئێواران بۆ قوتابخانەکانمان کرانەوە بەو مەرجەى ئەنجوومەنى دایک و باوکان لە ڕووى دارایی و ڕاییکردنى کارە مادییەکانەوە پڕۆسەى ...

مامۆستایانی گرێبەست دەكرێنە هەمیشەیی.. حكومەت بەڵێنی پێدان

ئەنجومەنی وەزیرانی هەرێم، بەڵێنی دامەزراندن بە مامۆستایانی گرێبەست دەدات، نوێنەری ئەو مامۆستایانەش رایدەگەیەنێت: لەلایەن وەزیری پەروەردەوە پێمان راگەیاندرا كە چاوەڕوانی بەشە بودجەی وەزارەتەكەیانن. نزیكەی شەش هەزار مامۆستای گرێبەست لەهەرێمی كوردستاندا هەیە و بەشێكی زۆریان چوار ساڵ تێپەڕبووە بەسەر گرێبەستەكانیان، بەڵام تائێستا نەكراون بەهەمیشەیی، بۆ ئەومەبەستەش ڕۆژی 21ی 1ی 2018 ژمارەیەكی زۆر لەمامۆستایانی گرێبەست لەسەرجەم شارو شارۆچەكەكان، چوونە بەردەم ئەنجومەنی وەزیران لەهەولێر و داوایانكرد بكرێن بە هەمیشەیی. هەواڵ عەلی، نوێنەری مامۆستایانی گرێبەست لەلێدوانێكدا بە SNNی ڕاگەیاند: بەنوێنەرایەتی مامۆستایان چوینە لای بەڕێوەبەری گشتی لەئەنجومەنی وەزیران، بە نوسراو داواكارییەكانی ئێمەیان وەك هەمیشە بەرزكردەوە بۆسەرۆكایەتی ئەنجومەنی وەیزان، دوای چەند ڕۆژێك وەڵاممان وەرگرتەوە كەئەنجومەنی وەزیران ڕایگەیاندووە هەركات بودجە لەپەرلەمانی كوردستان پەسەندكرا، بەهەمیشەیی كردنی مامۆستایانی گرێبەست دەبێتە كاری لەپێشینەیان. وتیشی: لە سەردانێكیشدا بۆلای وەزیری پەروەردە، پشتیوان سادق پێی ڕاگەیاندم لەسەر ئەو بڕە پارەیە وەستاوین كە بەغدا بەنیازە بۆ هەرێمی بنێرێت، دوای ئەوەش چاوەڕێی پێكهێنانی حكومەتی نوێ و كاراكردنی پەرلەمانی كوردستانن، بۆ دیاریكردنی بەشە بودجەی وەزارەتەكان. ئاماژەی بەوەشكرد، دوای ئەوەی بەشە بوجەی پەروەردە دیاریكرا، ئەولەویەتی كارەكانیان، بڕیاردان دەبێت لەسەر بەهەمیشەیی كردنی مامۆستا گرێبەستەكان.

بەخێربێن بۆ خولی ئامادەکاری وزاری

ڤیدیۆكان