مامۆستایانی گرێبەست دەكرێنە هەمیشەیی.. حكومەت بەڵێنی پێدان

ئەنجومەنی وەزیرانی هەرێم، بەڵێنی دامەزراندن بە مامۆستایانی گرێبەست دەدات، نوێنەری ئەو مامۆستایانەش رایدەگەیەنێت: لەلایەن وەزیری پەروەردەوە پێمان راگەیاندرا كە چاوەڕوانی بەشە بودجەی وەزارەتەكەیانن. نزیكەی شەش هەزار مامۆستای گرێبەست لەهەرێمی كوردستاندا هەیە و بەشێكی زۆریان چوار ساڵ تێپەڕبووە بەسەر گرێبەستەكانیان، بەڵام تائێستا نەكراون بەهەمیشەیی، بۆ ئەومەبەستەش ڕۆژی 21ی 1ی 2018 ژمارەیەكی زۆر لەمامۆستایانی گرێبەست لەسەرجەم شارو شارۆچەكەكان، چوونە بەردەم ئەنجومەنی وەزیران لەهەولێر و داوایانكرد بكرێن بە هەمیشەیی. هەواڵ عەلی، نوێنەری مامۆستایانی گرێبەست لەلێدوانێكدا بە SNNی ڕاگەیاند: بەنوێنەرایەتی مامۆستایان چوینە لای بەڕێوەبەری گشتی لەئەنجومەنی وەزیران، بە نوسراو داواكارییەكانی ئێمەیان وەك هەمیشە بەرزكردەوە بۆسەرۆكایەتی ئەنجومەنی وەیزان، دوای چەند ڕۆژێك وەڵاممان وەرگرتەوە كەئەنجومەنی وەزیران ڕایگەیاندووە هەركات بودجە لەپەرلەمانی كوردستان پەسەندكرا، بەهەمیشەیی كردنی مامۆستایانی گرێبەست دەبێتە كاری لەپێشینەیان. وتیشی: لە سەردانێكیشدا بۆلای وەزیری پەروەردە، پشتیوان سادق پێی ڕاگەیاندم لەسەر ئەو بڕە پارەیە وەستاوین كە بەغدا بەنیازە بۆ هەرێمی بنێرێت، دوای ئەوەش چاوەڕێی پێكهێنانی حكومەتی نوێ و كاراكردنی پەرلەمانی كوردستانن، بۆ دیاریكردنی بەشە بودجەی وەزارەتەكان. ئاماژەی بەوەشكرد، دوای ئەوەی بەشە بوجەی پەروەردە دیاریكرا، ئەولەویەتی كارەكانیان، بڕیاردان دەبێت لەسەر بەهەمیشەیی كردنی مامۆستا گرێبەستەكان.

لەسەر كتێبێك دوێنێ شەو بۆ ماوەی نیو كاتژمێر شەڕە تەقە لەگەڕەكێكی هەولێر ڕوویدا

لەسەر كتێبێك دوێنێ شەو بۆ ماوەی نیو كاتژمێر شەڕە تەقە لەگەڕەكێكی هەولێر ڕوویدا شەوی رابردوو لە یەكێك لە گەڕەكەكانی شاری ھەولێر بوو بە شەڕە تەقە لەنێوان دوو بنەماڵە. پۆلیسی ھەولێریش ئاشكرای دەكات تەقەكەرەكان دەستگیر كراون. رائید ھۆگر عەزیز، وتوبێژی پۆلیسی ھەولێر بە كوردستان24 راگەیاند: "شەوی رابردوو لە گەڕەكی ھەولێری نوێ شەڕە تەقە لەنێوان دوو بنەماڵە دروست بووە، شەڕەكەش لەسەر نووسینی كتێبێك بووە". گوتیشی: "دوای ئاگاداركردنەوەمان ھێزەكانی پۆلیس گەیشتنە شوێنی رووداوەكە و بەھاوكاری ھێزەكانی ئاسایش توانیان دۆخەكە كۆنترۆڵ بكەن و تەقەكەرەكان دەستگیر بكەن".

دەرچوویەكی زانكۆی سەلاحەددین ئەمڕۆ لە ڕۆژی لەدایك بوون جەڵتەی دڵی لێیدا گیانی لەدەست دا

دەرچوویەكی زانكۆی سەلاحەددین ئەمڕۆ لە ڕۆژی لەدایك بوون جەڵتەی دڵی لێیدا گیانی لەدەست دا ئەو گەنجە جوانە ئەمڕۆ 1/2/2019 کە رۆژی لەدایكبوونی بوو، بەهۆی جەڵتەی دڵ گیانی لەدەستدا کاکە یونس دەرچووی کۆلێژی زمانی ئینگلیزی بوو لە زانکۆی سەڵاحەدین-هەولێر، هێشتا ساڵێك تێنەپەڕێوە بەسەر تەواوکردنی خوێندنی بەرەبەیانی ئەمڕۆ هەینی، بەهۆی جەڵتەی دڵ، دڵی پاکی لە وەستان کەوت خودا بە بەهەشتی خۆی شاد بکات، ئارامی ببەخشێت بە هاوڕێیان و کەسوکاری

بەخێربێن بۆ خولی ئامادەکاری وزاری

ڤیدیۆكان